BUTUAN CITY- Gipakita sa usa ka Filipino artist ang kahanas sa OPM sa entablado sa ASEAN Rhythms: A Cultural Celebration nga gipahigayon sa University of California, Los Angeles, kung asa gibida ang kanhi The X Factor Philippines finalist nga si Mark Mabasa isip representante sa Pilipinas.
Gipasundayag ni Mabasa ang makapatandog nga bersyon sa “Babalik Ka Rin,” nga gisugdan sa “Heal the World,” kansa parehong mainiton nga gidawat sa mga audience gikan sa lainlaing mga nasud sa ASEAN.
Sumala ni Mabasa, usa ka dakong dungog alang kaniya ang pagkapili sa Embahada sa Pilipinas sa Los Angeles aron morepresentar sa nasud.
Giangkon usab niini nga sa sinugdanan gibati niya ang kakulba tungod sa kabug-at sa responsibilidad, apan kini napulihan sa kalipay ug garbo sa dihang nakita niya ang positibo nga pagdawat sa iyang pasundayag sa internatioan audience
Dugang pa niini, nahimong espesyal ang kasinati-an tungod sa overwelmed reaction sa mga audience sa matag pagsaka niini sa stage, bisan paman managlahi ang kultura ug wika sa mga niini.
