BUTUAN CITY – Gi-andam na ang dokumento sa pagpasaka og kaso batuk sa babayeng nadakpan sa gikasang buybust operation pasado alas 9:30 kagabii sa may Purok-11, Barangay Ong Yu ning siyudad sa Butuan.
Gihimo ang operasyon sa mga ginsakpan sa Philippine Drug Enforcement Agency kon PDEA-Caraga og Butuan City Police Office Station 2. Giila ni Dindo Abellanosa, Regional Information Officer sa PDEA-13 ang suspetsado nga si Jamemah Mapandi alias Nadine nga natumbok usab nga si BERNADINE MONATO kansa nabutang sa Target Listed o High Value Target.
Nakuha sa hupot og posisyon sa suspek ang gitoohang shabu nga miabot sa 10 gramos og dunay market value nga muabot sa 68-mil pesos.
Sumala ni Abellanosa nga dugay nang gipanid-an ang suspek kauban sa iyang kapuyo nga si JONAID MAPANDI alias JUN kansa naka-ikyas sa maong operasyon.
Pasakahan ang dinakpan og kasong paglapas sa Section 5 ug Section 11, Article II sa R.A. 9165.
