BUTUAN CITY – Andam na ang kapin sa 17-milyunes ka mga Australyano paglambigit sa ilang federal election karong Sabado kansa kada-tulo ka tuig ipahigayon aron magpili sila og 151 ka mga membro sa parliamento aron maoy sunod nga mudumala sa ilang federal parliamentary government.
Sa eksklusibong pakighinabi sa Bombo Radyo Butuan, gipadayag ni Bombo international correspondent Denmark Suede direkta gikan sa Sydney, Australia, kung unsa matud pa nga partido ang makakuha og daghang lingkuranan kon 76 ka mga parliamentary seats, ang ilang party leader na unya ang mahimong sunod nga premiro ministro.
Gawas sa mga membro sa parliamento nga pilion, apil sa mulangkob niini ang tag-12 ka mga senador nga ila usab nga pili-on alang sa unom nila ka mga estado kon kinatibuk-ang 72 ka mga senador.
Dugang pa ni Suede, dako og kala-inan ang ilang eleksyon sa Australia kung ikumpara sa Pilipinas tungod kay didto, ang ilang mga kandidato, walay goons, guns ug gold rason nga wala’y bodyguard kung mangampanya. Kung mura matud pa og pyista ang election period sa Pilipinas didto sa Australia laay.
Usa pa sa nakalahi sa eleksyon sa Australia tungod kay pamultahon og 55-dolyares kon kapin sa 2-milpesos ang dili mubotar, sukwahi sa Pilipinas nga bayaran pa aron lang mubotar.
