BUTUAN CITY – Gi-utingkay ni Senator-Judge Robinhood Padilla ang background ni Atty. Roderick Wamil, sa ika-13 ka adlaw nga impeachment trial ang kanhi auditor sa Commission on Audit nga nagsilbing testigo sa House Prosecution panel ilalom sa Article 1 sa impeachment complaint batuk kang Vice President Sara Duterte.
Ang maong artikulo nagtumbok sa gika-ingong anumalusong paggamit sa besi presidente sa iyang confidential funds.
Gipangutana pa ni Padilla kung asa nga parte sa Pilipinas naka-abot si Wamil, apil ang iyang educational background, lugar diin siya gipanganak, o kung nakalibot na siya sa mga bukid sa nasud.
Katapusang pangutana ni Sen. Padilla kung kinahanglan bang magpa-ila o magbutyag og pangalan ang usa ka ‘confidential agent’.
Gitubag usab kini ni Atty. Wamil nga wala’y probisyon ang joint circular sa maong hisgutanan.
