BUTUAN CITY – Gikumpirma sa Bureau of Immigration (BI) nga nakabiya na sa Pilipinas ang usa ka strength and conditioning coach sa Ateneo de Manila University nga apil sa mga gi-imbestigahan subay sa pagkamatay sa duha nila ka student-athletes atol sa ilang team-building sa Dipaculao, Aurora.
Namatikdan nga wala na sa nasud si Grant Dearns, usa ka New Zealander kinsa mibiya sa nasud niadtong Hunyo 10 — duha ka adlaw human sa pagkamatay sa mga Ateneo cagers nga sila AgSurnon sports icon Rene “Bobet” Baterbonia ug Nigerian Divine Adili atol sa team-building activity sa Aurora.
Hinuon wala’y hold-departure order nga gi-issue batok kang Dearns, mao nga nakabiya siya nga walay babag. Kini samtang nagpadayon pa ang imbestigasyon sa mga awtoridad subay sa ilang pagkamatay.
Madumdumang una nang nagpagawas ang Department of Justice (DOJ) og Immigration Lookout Bulletin Order batuk sa pipila ka mga membro sa Ateneo Blue Eagles coaching staff aron mabantayan ang ilang international travel samtang nagdagan pa ang kaso.
Sa kasamtangang imbestigasyon, wala pa’y opisyal nga desisyon ang korte kung kinsa ang duna’y tulubagong kriminal sa maong insidente.
