BUTUAN CITY- Gi-aprobahan na sa Kamara de Representantes sa second reading ang sugyot Anti-Political Dynasty Act kansa nagtumong nga ibawal ang dungan o sunod-sunod nga pagkupot sa gahom sa mga kabanay sa usa ka lugar.
Unos sa House Bill No. 8389, dili pwedeng modagan og mangulo sa susamang lokalidad ang magti-ayon o mga kamag-anak hangtud sa ika-duhang lebel sa dugo o relasyon.
Lakip niini ang mga posisyon sa barangay, munisipyo, syudad, probinsya, ug distrito sa Kamara.
Gipangunahan nila Speaker Faustino “Bojie” Dy III ug Majority Leader Sandro Marcos ang sugyot nga gisuportahan usabsa kapin 170 ka magbabalaod.
Sumala sa author, tumonmg niini nga pakusgan ang pagsalig sa publiko sa panggamhanan ug hatagan ug patas nga higayon ang uban nga makasulod sa serbisyo publiko.
Kung mapatuman na, obligado usab nga magsubmite ang mga kandidato og gisumpa-ang salaysay sa Comelec nga nagpamatuod nga dili sila mosupak sa gibawal nga political dynasty.
Ang balaod ipatuman sa sunod nga election ugaling hingpit nang ma-aprobahan.
