Amihanang Israel, dili luwas higayong bombahan ang Lebanon, bahad sa Hezbollah boss

BUTUAN CITY – Nagbahad si Hezbollah leader Naim Qassem nga magpabilin ang hulga sa mga lugar sa Israel sa ilang border higayong atakehon sa Israeli Army ang katawhang Lebanese ug ang ilang mga lugar.

Kini dungan sa iyang pagbasura sa pagkutay sa   redeployment sa ilang grupo ngadto sa mas lapad nga political arrangements, tungod sa pagbalibad niini sa bisan unsa mang kutay tali sa presensya sa Hezbollah ingon man sa ceasefire, o kaha pag-atras sa Israeli troops.

Sigon ni Naim, nakigbisog sila alang sa ilang yuta ug katawhan isip pagsunod sa ilang Ginoo aron dili na matud pa sila mahimong mga ulipon sa ingon gawasnon nang manginabuhi ang ilang mga henerasyon ka-uban ang ilang mga kababayan.