BUTUAN CITY – Subling magka-uban sa sa tennis court sila Alex Eala ug ang American icon nga si Venus Williams sa Mubadala DC Open nga himoon sa Washington, DC nga magsugod sa Hulyo 25 hangtod Agosto 2.
Apil sila sa star-studded doubles lineup diin adunay 18 ka mga Grand Slam doubles ug mixed doubles champions gikan sa ATP ug WTA tours. Una silang nagdungan sa Bad Homburg Open ning miaging bulan.
Nakadaog sila sa first round batok nila Alexandra Osborne ug Catherine Harrison apan napildi sila sa quarterfinals nila Olivia Nicholls ug Tereza Mihalikova.
Kini nga kalambuan nagpakita nga si Eala padayon nga mi-angat sa international tennis, ug ang iyang partnership kang Venus Williams, usa ka dakong oportunidad nga makahatag og exposure ug dugang experience.
