BUTUAN CITY – Nipis na lang kaayo ang tsansa sa higanteng TV network nga ABS-CBN aron maka-renew sa ilang prangkisa sa free TV human hingpit nang gibasura sa House Committee on Legislative Franchises ang sugyot ng maghatag unta kanila og 25-ka tuig nga prangkisa.
Madumdumang sa botong 70 ka Yes, 11 ka No, 2 ka inhibit, ug usa ka abstain, gi-aprubahan sa mga miyembro ug ex-officio members sa komite ang resolusyon nga naglatid nga dili angayang hatagan og prangkisa ang ABS-CBN.
Sa eksklusibong pakighinabi sa Bombo Radyo Butuan, gipadayag ni Bayan Muna Partylist Representative Carlos Isagani Zarate nga base sa ilang house rules, mamahimo pang mag-file og motion for reconsideration ang kadumalahan sa maong TV network apan ma-igo gihapon kini sa ilang house rules ang maka-file lamang niini mao kadtong mibotar pabor sa pagbasura sa maong sugyot ilabina kadtong 70 nga mipabor niini.
Karon nga 18th Congress, wala na matud pa’y tsansa ang ABS-CBN nga maka-renew sa ilang prangkisa alang sa free airwaves kon free TV. Hinuon, dili pa hingpit nga mapatay ang ilang operasyon tungod kay makita gilhapon sila sa ubang mga social media platforms.
Ang nabilin na lang matud pang opsyon sa maong TV network mao ang pag-file og bag-ong franchise application ngadto sa sunod nga kongreso ug depende pa gihapon sa political situation sa nasud.
