BUTUAN CITY- Gitudlo ni Finance Secretary Frederick Go ang Business Process Outsourcing (BPO), semiconductor ug electronics manufacturing, ug renewable energy mao ang pinakapaspas nga nagtubo nga sektor nga makahatag ug daghang trabaho sa mga Pilipino.
Sa iyang pamahayag atol sa IMF-World Bank Spring Meetings 2026, gipakita ni Go nga ang BPO industry sa Pilipinas nagpalapad na sa artificial intelligence, data analytics, ug IT-enabled services.
Sigon pa ni Felipe Jaramillo, Vice President for Asia and Pacific sa World Bank, nga ang East Asia Pacific angay motan-aw sa Pilipinas isip ehemplo sa pag-shift ngadto sa mas high-value services. Gibutyag usab ni Go nga nagkadako ang semiconductor ug electronics sector, diin mga kompanya sama sa Samsung nagdugang og investments ug trabaho. Dungan niini, nagpalig-on ang renewable energy projects sa nasud, lakip ang wind, solar, ug geothermal energy.
Aron mapadayon ang job creation, gisugyot sa gobyerno ang mga reporma sama sa CREATE MORE Act ug Public-Private Partnership Code, nga naghatag og long-term incentives ug nagpalig-on sa investor confidence. Dugang pa, dako ang puhunan sa edukasyon ug skills training aron masiguro nga andam ang mga Pilipino sa panginahanglan sa bag-ong industriya.
Base sa datos sa Philippine Statistics Authority (PSA), ang ihap sa unemployed Filipinos niadtong Pebrero 2026 mikunhod ngadto sa 2.66 milyon gikan sa 2.96 milyon niadtong Enero. Apan mas taas gihapon kini kumpara sa 1.94 milyon sa Pebrero 2025, tungod mas daghang tawo ang nangita og trabaho kaysa sa aktwal nga nadawat sa labor market.
