BUTUAN CITY – Nanawagan si Batangas 1st District Representative Leandro Leviste sa Office of the President nga imbestigahan ang mga reports sadiskriminasyon sa pagpanghatag og ayuda.
Sa press conference nga iyang gipatawag sa House of Representatives, gibulgar sa magbabalaud nga duna’y usa ka kapitan ang gisultihan sa presidente sa Liga ng Barangay sa Batangas nga dili sila apil sa mahatagan og ayuda tungod kay nangluod matud pa kanila si Governor Vilma Santos-Recto.
Sigon sa kongresista, napa-abot na nila ang maong isyu sa Malacañang ug gipaniguro matud pa sa palasyo nga i-apas nila ang P200,000 alang sa mga barangay nga wala ma-apil sa pagpanghatag sa ayuda kagahapong adlawa.
Nanawagan si Leviste kang Pangulong Ferdinand Marcos Jr. nga ihatag ang maong kantidad ngadto sa mga wala na-imbitahang barangay ug imbestigahan ang pagpanghatag sa ayuda nga gipangunahan ni Executive Secretary Ralph Recto.
Mi-apela usab ang mambabatas nga suspendihon ang excise tax ug ang value-added tax sa lana aron dili na madamay pa ang katawhan sa sayop nga sistema sa aid distribution.
Alayon niinim nagduso na usab si Rep. Leviste og House Resolution nga nag-awhag sa Office of the President nga imbestigahan ang mga report sa diskriminasyon ug posibleng korapsyon sa mga ayuda program sa mga barangay aron masiguro ang transparent, patas ug episyenteng pagpanghatag niini sa mga local government units.
