BUTUAN CITY- Gipahibalo ni US President Donald Trump nga mobalik ang iyang mga representante sa Pakistan aron ipadayon ang negosasyon, apan wala pa mingkomperma ang Iran sa ilang pag-apil. Nagpahimangno usab kini nga posibleng targeton ang mga power plant ug tulay sa Iran kung dili makab-ot ang kasabutan.
Sigon ni Trump nga ang pagpamusil sa mga barko sa Strait of Hormuz niadtong sabado usa ka klarong paglapas sa ceasefire, samtang ang Iran misumbong usab nga ang US mismo nakalapas sa truce pinaagi sa naval blockade.
Gipahayag pa ni Trump nga sirado na ang maong agianan sa dagat tungod sa pwersa sa US. Base sa marine traffic data, napahunong na usab ang mga barko sa palibot sa strait human gibalik sa Iran ang blockade kagahapon Dominggo. Samtang, matud sa Speaker sa Parlamento sa Iran nga adunay gamay nga kalamboan sa negosasyon batok sa US, bisan pa nga “layo pa” ang duha ka nasud gikan sa usa ka kasabutan sa kalinaw.
