-- ADVERTISEMENT --
BUTUAN CITY – Nagpadayon pa ang search and rescue operations alang sa duha ka mga batang lalaki nga nalumos dihang namasol ug naligo sa Agusan River sa may Purok 5, Brgy Bit-os ning siyudad sa Butuan kaganinang alas-tres sa hapon.
Sa eksklusibong pakighinabi sa Bombo Radyo Butuan, gipadayag ni Kapitan Imelda Pontimar nga ang mga biktimang gi-ilang sila C, 8-anyos ug Kyle, 13-anyos, dili matud pa makamaong mulangoy kondiin ka-uban nila ang usa usab ka batang babaye nga maoy bugtong naluwas human sa insidente.
Saysay pa ni Kapitan, lilo ang parte sa suba diin nalumos ang mga biktima.
Nanawagan siya sa tanang mga residenteng anaa kilid sa Agusan River nga lantawon ang kilid sa subay alang sa posibleng pagtumaw sa mga biktima.
