BUTUAN CITY – Mibalos si Vice President Sara Duterte sa mga akusasyon batok kaniya human sa impeachment hearing sa House Committee on Justice kondiin iyang gibutyag nga limpyo ang iyang service record ug wala siya’y kaso nga may kalabotan sa sayop nga paggamit sa pondo sa gobyerno. Gibuyag ni VP Sara nga tanan niyang kabtangan ug kwarta gi-declare niya sa iyang Statement of Assets, Liabilities, and Networth kon SALN ug gikan kini sa legal nga panginabuhian nga adunay mga dokumento.
Kini human akusahan siya ni Antonio Trillanes IV nga siya ug iyang pamilya nakadawat matud pa og P180 milyon gikan sa gika-ingong mga drug lords.
Samtang ang Anti-Money Laundering Council miingon nga adunay P6.7 bilyon nga “suspicious” ug “covered” bank transactions nga nalambigit matud pa kaniya ug sa iyang bana.
Tubag ni VP Sara, dugay na kining mga akusasyon sukad 2016 apan karon adunay mga gamhanang tawo nga nagsuporta niini.
Gi-akusahan usab niya ang ubang opisyal sa gobyerno nga gigamit ang impeachment aron ilaron ang publiko.
Sa katapusan, gi-awhag niya ang mga tawo nga dili magpailad sa kasaba sa impeachment ug magpokus sa tinuod nga problema sa mga kabus nga Pilipino dayong butyag nga ang mga katawan sa gobyerno, sa maleta gitago ang kwarta ug dili sa bangko.
