BUTUAN CITY – Gipatas-an sa Bangko Sentral ng Pilipinas kon BSP ang ilang policy interest rate aron mapugngan ang pagsipa sa inflation. Nasayrang gitapos na sa monetary board sa BSP ang ilang easing cycle human gi-anunsyo ni BSP Governor Eli Remolona Jr ang 25-basis points hinungdan nga misaka sa 4.5-porsiento ang interes sa mga pautang karon.
Sumala sa BSP, gipataas nila ang interest rates aron mapugngan ang inflation nga gilauman nga mosaka sa 6.3% karong tuiga, mas taas kaysa target nga 2 hangtud 4%, samtang ang pagtubo sa ekonomiya gilauman nga moabot sa 4.3%.
Pahimangno ni Remolona, posible pa nga mopataas og dugang ang BSP sa interest rates karong tuiga kung magpadayon ang giyera sa Middle East ug mosaka pa ang inflation.
Mandato sa BSP nga masiguro nga ang inflation, o ang paspas nga pagtaas sa presyo sa mga baligya, igo lang aron masuportahan ang dagan sa ekonomiya.
Kung molapas ug taas ang inflation, dili na kini makatabang sa pagtubo sa ekonomiya ug mahimong palas-anon na.
