BUTUAN CITY- Gisira na ni Naga City Mayor Leni Robredo ang posibilidad nga makabalik pa sa national politics, lakip na ang pagdagan sa pagka-presidente o senador sa 2028 national elections.
Sa press conference sa Naga City niadtong Lunes, Nobyembre 9, gipatin-aw ni Robredo nga dugay na kining nakahimo og desisyon nga dili na mobalik sa national government ug wala nay makausab sa iyang hunahuna.
Sigon pa niini, dili usab niini gamiton ang iyang posisyon isip mayor sa pagpangandam sa posibleng pagdagan sa mas taas nga katungdanan.
Giangkon usab sa kanhi bise presidente nga aduna kini nakita nga mga limitasyon sa iyang kaugalingon sa pag-atubang sa komplikadong politika sa nasud, nga nagkinahanglan og igong kahibalo ug kasinatian sa pagdumala sa politika. Bisan pa niini, nagpahayag kini nga andam mosuporta sa ubang indibidwal nga iyang tan-aw adunay katakos ug angayan mangulo sa nasud.
Kahinumdumang nga nagsilbi si Robredo isip bise presidente gikan 2016 hangtod 2022 ug napildi sa presidential race niadtong 2022 batok kang President Ferdinand Marcos Jr., sa wala pa kini mibalik sa lokal nga politika ug napili isip mayor sa Naga City niadtong 2025.
