-- ADVERTISEMENT --
BUTUAN CITY- Upat ka tawo ang patay ug 24 ang angol sa pinakabag-ong mga pag-atake sa Israel sa nagkagubot nga Gaza Strip sulod sa miaging 24 oras, sumala sa Health Ministry sa Gaza.
Sigon sa minister, sukad gipatuman ang giingong “ceasefire” niadtong Oktubre, mikabat na sa 1,421 ang namatay ug 4,983 ang nasamdan tungod sa padayon nga pag-atake.
Sa mas lapad nga ihap, labing menos 74,022 ka Palestinians ang gikatahong namatay ug 175,980 ang nasamdan sukad sa pagsugod sa gubat sa Gaza niadtong Oktubre 2023.
Ang mga bag-ong kaswalti nagpakita nga nagpabilin ang tensiyon ug kapintas sa Gaza bisan pa sa pagpatuman sa ceasefire, samtang nagpadayon ang pag-atubang sa mga residente sa peligro ug krisis sa humanitarian nga sitwasyon.
