BUTUAN CITY- Napakyas ang Alas Pilipinas Men’s sa ilang unang away batok sa South Korea sa Men’s Volleyball Pool D sa 2026 Asian Games, human mapildi sa tulo ka set sa skor nga 16-25, 25-27, 22-25.
Naglisod ang Pilipinas sa first set tungod sa mga service errors nga gisamantala sa South Korea aron kuhaon ang 25-16 nga kadaogan.
Mas nahimong tens ang second set, nga nakahatag sa Pilipinas og 4 nga bintaha apan gibawi usab gilayon kini sa Korea sa kataposang bahin sa set hangtud nga ming-abot sa score nga 21-20, human ang 3-0 run ug gibutang ang Pilipinas sa alanganin. Nakig-abay ang Alas Pilipinas hangtod sa katapusan, apan nakuha sa Korea ang set, 27-25.
Sa third set, minglaban pag-usab ang Pilipinas apan wala na mapugngan ang South Korea nga isira ang away sa skor nga 25-22.
Nag-una sa opensa sa Pilipinas si Alas Pilipinas Men’s team captain Bryan Bagunas nga adunay 15 points, samtang nagtala sila Joshua Magalamaan og 13 points ug Leo Ordiales og 11 points ug Marck Espejo og 7 points
Kauban sa Pilipinas ug South Korea sa pool D ang China ug Chinese Taipei
