BUTUAN CITY- Nakab-ot sa 20-anyos nga Filipino weightlifter nga si Albert Ian Delos Santos ang bronze medal sa men’s 70-kilogram weightlifting event sa 2026 Asian Games sa Nagoya City Trade and Industry, Japan, sa iyang unang pag-apil sa senior continental competition.
Dili lang medalya ang iyang naangkon human kini makahimo og bag-ong junior world ug Asian record sa clean and jerk nga 183 kilos sa iyang ikatulong attempt, nga milabaw sa iyang kaugalingong 180-kilogram nga rekord.
Nakabuhat usab si Delos Santos og 141 kilos sa snatch alang sa kinatibuk-ang 324 kilos nga total, igo aron makuha ang ikatulong puwesto.
Mingpwesto sa ikaduhang puwesto si Japan bet Masannori Miyamoto nga adunay 342 kilos, samtang nakuha ni North Korea’s Ri Wun Ju ang gold medal human makapundok og 349 kilos.
