BUTUAN CITY – Gikumpirma ni Iranian Foreign Minister Abbas Araghchi nga nagsugyot ang Iran og kasabutan ngadto sa Estados Unidos nga magtugot sa subling pag-abli sa Strait of Hormuz sulod sa usa ka semana – kansa ilang gipadala ngadto sa US pinaagi sa Qatar.
Sa iyang pag-atubang sa mga tigbalita sa United Nations sa New York, gipadayag ni Araghchi nga mahimo kining ipatuman kung matuman ang gikinahanglang mga kondisyon, nga anaa sa memorandum of understanding o MOU nga gipirmahan niadtong Hunyo ug anaa na sa Estados Unidos ang pagdesisyon.
Samtang gikumpirma usa ka opisyal sa Estados Unidos nga adunay positibong mga panaghisgot nga nagpadayon pinaagi sa mga tigpataliwala, lakip na ang mga isyu kabahin sa nuclear program sa Iran.
Nasayrang mitaas ang pressure kron kang Trump nga mangita og paagi aron matapos ang bangi, ilabina nga nagkaduol na ang Congressional elections sa Estados Unidos sa Nobyembre.
Madumdumang ning mi-aging mga adlaw, nagpahimangno si US President Donald Trump nga iyang bungkagon o wagtangon ang Islamic Republic.
