-- ADVERTISEMENT --
BUTUAN CITY – Gikansela na sa Commission on Elections o COMELEC ang mga gitakdang kalihokan alang sa Barangay ug Sangguniang Kabataan Elections o BSKE, human gipirmahan ni Pangulong Ferdinand Marcos Jr. ang balaod nga nag-uktaba sa piniliay ug nagpalugway sa termino sa mga opisyal sa barangay ug Sangguniang Kabataan.
Lakip sa gikanselang kalihokan ang pagduso na og Certificate of Candidacy o COC, nga gitakdang magsugod unta karong Lunes, Septembre 28.
Gipahibalo ni COMELEC chairman George Erwin Garcia nga gikuha na ang election ban nga may kalabotan sa maong piniliay.
Ubos sa balaod nga gipasa sa Kongreso, ibalhin sa Nobyembre 2028 ang BSKE, samtang himuong lima ka tuig ang termino sa mga opisyal sa barangay ug SK.
