BUTUAN CITY – Pormal nang gipirmahan ni Pangulong Ferdinand “Bongbong” Marcos Jr. ang absolute pardon alang kang Mary Jane Veloso, nga naghatag kaniya og hingpit nga kagawasan human sa kapin 14 ka tuig nga pagkabilanggo sa Indonesia.
Si Veloso, nga biktima sa human trafficking, unang gisentensiyahan og kamatayon sa Indonesia apan naluwas sa pagpatuman sa silot human sa pag-apela niadtong panahona nga Pangulong Benigno Aquino III ngadto kang kanhi Indonesian President Joko Widodo.
Human sa taas nga negosasyon tali sa Pilipinas ug Indonesia, malampusong nauli si Veloso sa Pilipinas niadtong Disyembre 2024 ug temporaryong gibutang sa kustodiya sa Correctional Institution for Women sa Mandaluyong City.
Pinaagi sa absolute pardon, hingpit nang gitangtang ang nahibiling silot batok kang Veloso, nga naghatag kaniya og higayon nga makabalik sa normal nga kinabuhi ug makig-uban pag-usab sa iyang pamilya.
