BUTUAN CITY- Gipusil sa usa ka 15-anyos nga estudyante ang mga tawo sa gawas sa usa ka high school sa distrito sa Turgutlu, Manisa province, Turkey nga miresulta sa pagkaangol sa kapin 11 ka mga tawo, lakip ang pipila ka mga estudyante.
Tulo sa mga biktima anaa sa kritikal nga kondisyon ug anaa sa intensive care unit, samtang usa na ang nakagawas sa ospital. Ang suspek, nga estudyante usab sa maong eskwelahan, nasakpan sa CCTV kinsa miabot nga nagdala og armas ug milakaw human sa pagpamusil.
Sumala sa Education Minister sa Turkey nga si Mustafa Ciftci, nakuha sa suspek ang armas sa balay sa iyang apohan.
Padayon usan nga giimbestigahan sa mga awtoridad ang insidente ug ang posibleng motibo, lakip ang alegasyon nga posibleng nakasinati og bullying ang suspek.
Anaa na usab sa kustodiya sa mga awtoridad ang mga ginikanan ug apohan sa suspek isip kabahin sa imbestigasyon.
Kini na ang ikatulong insidente sa pagpamusil sulod o palibot sa mga eskwelahan sa Turkey karong tuiga, human sa duha ka managlahing insidente niadtong Abril nga miresulta sa pagkasamad ug pagkamatay sa mga estudyante ug magtutudlo.
