UN, nabalaka sa nagkadaghang nasakit sa Yemen tungod sa nagpadayong bangi ug giyera tali sa mga Houthi rebels

BUTUAN CITY – Gikabalak-an sa United Nations kon UN ang mga hagit nga gi-atubang karon sa mga lumulupyo sa Yemen tungod sa nagpadayon nga giyera tali sa mga sundalo ug mga rebeldeng Houthis.

Sigon sa United Nations, kapin sa 112,000 ka mga tawo ang napugos sa pagbiya sa ilang mga panimalay tungod sa kagubot hinungdan nga daghang mga lumulupyo ang nasakit, ilabina ang mga bata nga na-apektuhan sa dengue, cholera ug malnutrisyon.

Gi-atubang usab sa mga ahensya sa UN ang kakulang sa pondo ug limitado nga suplay sa mga kinahanglanon nga ayuda alang sa mga apektadong lumulupyo sa Yemen.

Nasayrang nagpadayon ang bangi tali sa mga sundalo sa Yemen ug sa mga Houthi rebels nga misulay sa pagkontrola sa gobyerno sa maong nasod.