BUTUAN CITY- Nahagsa ang kampanya sa Gilas Pilipinas nga madepensahan ang ilang kampeonato sa Asian Games human kining gi gipildi sa China, sa skor nga 105-61, sa Group C sa men’s 5-on-5 basketball kagahapong adldawa Lunes, Setyembre 14, sa Aichi International Arena sa 2026 Aichi-Nagoya Asiad.
Aduna paypag-asa unta ang Pilipinas nga makasulod sa quarterfinals isip best third-seeded team kung dili molapas sa 37 points ang pagkapildi niini. Apan hingpit nga gipap-ha sa China ang maong oportunidad dihang gipa-abot sa 44 points ang bintaha, nga mingsira sa ilang point differential sa mga Pilipino.
Si Calvin Oftana lang ang nag-inusarang player sa Gilas nga nakatala og double-digit scoring sa iyang 13 points, samtang ming-ambag usab si Sedrick Barefield og 9 puntos ug 4 ka assists. Nag-atubang ang team og dakong kalisdanan sugod pa lang sa halftime, dihang nalubong sila sa iskor nga 66-30—usa ka biya nga 36 puntos.
Nalimitahan ang offense sa Pilipinas sa 23-of-71 (32%) shooting gikan sa field ug 7-of-30 (23%) sa three-point territory tungod sa hugot nga depensa sa China. Gidominar usab sa mga Tsino ang rebounds sa lebel nga 55-36 ug nakapasulod og 12-of-32 (38%) gikan sa gawas sa arko.
Gipangunahan ni Junjie Wang ang kadaogan sa China pinaagi sa iyang 20 puntos ug 14 nha rebounds, samtang mingdugang usab sila Sanning Liao ug Mingxuan Hu og 14 ug 13 puntos alang sa maong koponan.
