BUTUAN CITY – Gipalapdan sa Department of Agriculture o DA ang industriya sa palm oil sa Pilipinas aron maminusan ang dakong pagsalig sa imported nga palm oil.
Sumala sa DA, hapit 90 porsyento sa panginahanglan sa nasod sa palm oil gikan pa sa importasyon. Gawas sa pagkaon, mahimong magamit usab kini isip lokal nga materyales alang sa mas limpyo nga klase sa fuel.
Sa budget hearing sa Kamara, gipadayag ni Agriculture Secretary Francisco Tiu Laurel Jr. nga dako ang oportunidad alang sa mga mag-uuma ug lokal nga negosyante tungod sa taas nga panginahanglan sa merkado.
Nangayo ang DA og P300 milyon nga pondo alang sa 2027 aron gamiton sa development sa palm oil ug nagtinguha usab og hangtod P1 bilyon kada tuig sulod sa lima ka tuig kung mapasar ang Palm Oil Bill.
Target sa gobyerno nga mapalambo ang 300-mil ka ektarya nga palm oil plantations sa tibuok nasod, diin 100 mil ka ektarya ang gilauman nga maabot una sa katapusan sa 2028.
Gisuportahan usab sa DA ang pagpasar sa Palm Oil Bill ug ang pagpalig-on sa programa sulod sa Philippine Coconut Authority.
