BUTUAN CITY– Mingsamot ang tensyon tali sa Estados Unidos ug Iran human mingbutyag ang US Central Command nga giatake niini ang mga oil carrier sa Iran human ang Islamic Revolutionary Guard Corps (IRGC) mingtira og ballistic missiles padulong sa duha ka barkong panggubat sa US nga nagpatrolya sa rehiyonal nga katubigan, samtang gitaho sa Iranian media nga usa ka oil tanker sa Iran ang naigo sa daghang missiles duol sa Kharg Island.
Sumala sa usa ka tinubdan, migamit ang Pentagon og polygraph o lie-detector tests sa 50 ka miyembro sa Joint Staff isip kabahin sa imbestigasyon sa pagtagas sa impormasyon bahin sa gubat sa Iran, lakip ang mga taho sa kakulang sa importanteng mga bala ug armas.
Samtang, gibalik ni US President Donald Trump ang iyang hulga nga atakehon “very soon” ang Pickaxe Mountain sa Iran, samtang giakusahan ni Iranian First Vice President Mohammad Reza Aref ang Estados Unidos nga mipadulong sa “economic warfare” human, matod niini, kini sa pagkab-ot sa mga tumong niini pinaagi sa militar.
Sa laing bahin, nanawagan si US Ambassador to Israel Mike Huckabee sa Israeli government nga seguraduhon ang kaluwasan sa mga residente sa West Bank human niini gibisita ang mga pamilya sa mga Palestinian nga gipatay sa mga Israeli settler.
