BUTUAN CITY – Sugdan na ugmang adlawa Sabado, sa lokal nga kagamhanan ning siyudad pinaagi sa City Transportation, Traffic and Management Department kon CTTMD uban sa Department of Public Works and Highways ang initial traffic simulation sa may Magsaysay Bridge.
Kini sugdan sa alas-nueve sa buntag hangtud sa alas-onse sa buntag, isip pagpangandam aron hapsay ang pagpatuman sa temporary traffic management samtang nagpadayon ang rehabilitasyon sa nasangpit nga tulay nga sugdan na karong Septembre 16.
Human sa initial traffic simulation, isunod na usab sa Septembre 12 ang Full Traffic Simulation gikan sa alas-siete sa buntag ngadto na sa alas-nueve sa gabii.
Sigon ni Wilfredo Ybañez Jr, pangulo sa Butuan City-Wide Tricycle Transport Cooperative, dili na kini bag-o alang kanila tungod kayu nasayod na silang daan sa maong plano ning mi-aging duha ka mga buwan.
Kagahapon, gipahibalo na sila kalabot niini rason nga iya na usab kining gipahibalo ngadto sa ilang mga ka-ubanan sa kooperatiba.
Kini tungod kay atol sa maong traffic simulation, ang mga sakyanang gitugutang maka-agi lang sa maong tulay mao lang ang mga Public Utility Vehicles kon PUVs sama sa jeep ug multicab, mga electric kon E-jeepneys, Tricycles-for-hire, taxis, vans-for-hire (V-hire), ambulansya ug mga rescue vehicles, police patrol vehicles ug mga pedestrians.
Samtang ang mga sakyanang kinahanglang mu-ago sa alternative routes mao kadtong mga private vehicles, motorsiklo, bus, trak, biseklita, Transport Network Vehicle Services kon TNVS sama sa Grab, ug food delivery services samtang ang ubang sakyanan nga wala malista sa gitugotang makaagi sa tulay, mahimong mu-agi sa Diversion Road agi sa Barangay Tiniwisan Crossing o Barangay Mahay padulong sa Macapagal Bridge. Alayon niini, gihangyo sa city government ang kooperasyon sa tanang motorista ug publiko sa pagsunod sa traffic management plan ug alternative routes atol sa mga gitakdang oras.
