BUTUAN CITY- Labing menos 14 ka bag-ong natawo nga mga masusu ang patay human mibuto ang sunog sa maternity ward sa PIMS Hospital sa Islamabad, Pakistan. Sumala sa ospital, nagsugod ang sunog sa air-conditioning unit sa mother and child ward ug dali kining mikaylap tungod sa mga koneksyon sa oxygen.
Sa 15 ka mga masuso nga anaa sa ward niadtong higayona, usa lamang ang naluwas. Nagkatigom usab ang mga pamilya sa gawas sa ospital, diin daghan kanila ang naghilak tungod sa trahedya. Usa ka amahan mingbutyag nga namatay ang iyang tulo pa lamang ka adlaw nga anak.
Nagpahayag usab og dakong kasubo si Pakistani Prime Minister Shehbaz Sharif ug gimando ang dihadiha nga imbestigasyon, samtang usa ka komite ang gitukod aron makahimo og report sulod sa 24 oras.
