BUTUAN CITY – Abli na ngadto sa publiko ang Adlaw Hong Butuan Gallery sa Butuan City Library kondiin makita ang mga karaang litrato ning siyudad nga gipa-ambit sa mga Butuanons.
Ang maong mga litraro, nagpakita kung unsa ang Butuan kaniadto kung itandi sa kasamtangan.
Makita usab sa maong gallery ang mga lugar, importanteng mga tawo ug mga panghitabo nga nahimong kabahin sa kasaysaysan sa dakbayan.
Mitambong sa pag-abli sa gallery ang mga representante sa nagkada-iyang departamento sa lokal nga kagamhanan ning siyudad, mga academes, Butuan City Council for Culture, Heritage and the Arts, Heritage Committee.
Ang maong gallery dili lang magbalik-lantaw sa mga handumanan sa nanganing panghitabo sa siyudad, kondili ilabina sa dakong ka-usaban ning siyudad sa paglabay sa panahon.
Abli sa publiko ang gallery hangtud sa Septembre 16 ning tuiga gikan sa alas-otso sa buntag hangtud sa alas-singko sa hapon.
