-- ADVERTISEMENT --
BUTUAN CITY – Mi-abot na sa 21 ang natalang patay, 14 ang angol ug tulo ang missing sa paghapak sa mga bagyong Luis ug Maymay nga mas nagpakusog sa hanging habagat nga padayong nasinatian sa dakong bahin sa nasud.
Base sa datus sa National Disaster Risk Reduction and Management Council kon NDRRMC, sa maong 15 ang namatay tungod sa landslides ug rockslides ilabina sa Benguet, Rizal ug Batangas samtang ang laing unom, tungod sa pagkalumos.
Sa pagkakaron, mi-abot na sa 3.7-milyunes ka mga indibidwal ang apektado sa daut nga panahon samtang bilyunes pisos na usab ang natalang damyos nga hatud niini sa agrikultura ug imprastraktura.
