BUTUAN CITY – Gikoronahan si Angelica Lopez sa Palawan isip Reina Filipinas Grand International 2026 sa pinaka-una grand coronation night sa pageant nga gipahigayon kagahapon Biyernes, Agusto 7 human niya gipildi ang 20 ka lain pang mga kandidata gikan sa nagkada-iyang lugar sa nasud.
Si Angelica ang mahimong representante sa Pilipinas sa Miss Grand International 2026, hulip kang Emma Mary Tiglao.
Nakuha usab ni Cleopatra Barrera sa Zambales ang first runner-up, samtang second runner-up si Isabella Ortega sa Camarines Sur, third runner-up si Zeah Nestle Pala sa Mandaluyong ug 4th runner-up si Luisa Benavides sa Caloocan City.
Samtang sila Anne Patricia Diaz sa Manila ug Alexie Caimoso Brooks sa Iloilo City ang napiling representante sa Pilipinas sa sunod nga edisyon sa MGI All Stars human nila makuha ang Reina Filipinas MGI All Stars titles.
Ang mga nangdaug gipili base sa gihi-usang puntos gikan sa panel of judges ug boto sa publiko.
Lakip sa mga hurado ang internationally acclaimed Filipino designer nga si Michael Cinco, Miss Grand International 2024 CJ Opiaza, inaugural MGI All Stars winner Vanessa Pulgarin sa Colombia, ug first runner-up sa MGI All Stars Nguyen Huong Giang ng Vietnam.
