BUTUAN CITY – Gihagit ni impeachment endorser ug House Human Rights Chair Benny Abante Jr. ang upat ka kanhi bodyguard ni Zaldy Co nga panganlan ug pamatud-an kung kinsa ang nagpaluyo sa mga affidavit nga ilang gibakwi.
Kini human gibutyag sa upat nga napugos, gihulga o nadani sila sa pagpirma sa mga affidavit nga adunay mga alegasyon batok kang Pangulong Ferdinand Marcos Jr., Rep Martin Romualdez, Zaldy Co ug uban pa.
Gihisgotan usab nila si Atty. Levito Baligod, kanhi Rep. Mike Defensor ug Sen. Rodante Marcoleta isip mga tawo nga gika-ingong nalambigit sa ilang mga kalihokan. Sigon ni Abante, dili igo ang pagbakwi sa affidavit ug kinahanglan gihapon og imbestigasyon ug ebidensya aron mapamatud-an ang mga bag-ong alegasyon.
Gihagit usab ni Ace Barbers ang upat nga panganlan ang nagmando o nag-organisa sa mga affidavit. Samtang, si Jeron Gaveria Balderama wala mibawi sa iyang affidavit dayong butyag nga wala siyay personal nga kahibalo sa mga alegasyon bahin sa kwarta ug mga maleta.
