-- ADVERTISEMENT --
BUTUAN CITY- Nangayo na og tabang sa ka-ubanang mga artista ang komedyanteng si Romeo “Romy” Pastrana kinsa mas naila sa bansag nga Dagul tungod sa hagit sa kinabuhi nga iya karong gi-atubang human nga wala na’y kwarta tungod sa kawala na niya’y mga proyekto.
Sigon sa 66-anyos nga komedyante, naglisod siya karon sa pinansyal nga aspeto apan mapasalamaton gihapon siya tungod sa mimaayo na niya nga panglawas.
Nasayrang ning mi-aging tuig, balik-balik siyang gidala sa ospital tungod sa iyang sleep apnea, pulmonia ug dili maayong kondisyon sa iyang kidney. Problemado usab ang iyang tuhod rason nga dili na siya makalakaw ug makatindog og Mayo.
