BUTUAN CITY- Mingtaliwan na ang beteranong entertainment journalist ug radio host nga si Jobert Sucaldito sa edad nga 65 anyos.
Gikomperma kini sa OOTD Jobert and Chaps Channel nga gipanag-iyahan nila Jobert Sucaldito ug direktor nga si Chaps Manansala.
Sa ilang pamahayag, nagpasalamat ang pamilya ug suod nga nga mga journalist sa padayon nga paghigugma, suporta, pag-ampo ug patronage nga gihatag sa publiko kang Jobert sulod sa daghang katuigan.
Miadtong Hulyo, ming-hangyo pa og pag-ampo si Chaps Manansala alang kang Sucaldito human kining ma-confine sa Providence Hospital sa Quezon City og dul-an usa ka buwan tungod sa anxiety ug kakuwang sa tulog.
Sa pagkakaron wala pay gipagawas nga opisyal nga impormasyon kalabot sa iyang kamatayon.
Si Jobert Sucaldito nahimong inila nga personalidad sa natad sa entertainment journalism ug radio broadcasting, ug na-ila sa iyang ma-isugon nga komentaryo ug lapad nga kasinati-an sa industriya sa showbiz.
