BUTUAN CITY – Dili na mahitabo ang una ang gipa-abot kaayong rematch nila Alex Eala ug Linda Noskova tungod kay ang wala gila-umang si Caty McNally man ang iyang maka-agbat alang sa Round of 32 karong Sabado nga himuon sa Sobeys Stadium sa Toronto, Canada.
Mao unya kini ang ilang unang panagtagbo, ug parehong determinado nga ipadayon ang ilang maayong dagan sa torneyo.
Ang wala gi-seed nga Amerikanang si Caty McNally nakapahingangha sa daghan human niya gipildi ang bag-ong Wimbledon champion ug World No. 7 nga si Linda Noskova, 7-6(5), 6-1, sa National Bank Open kagahapon Huwebes – oras sa Pilipinas rason nga pakyas ang gipa-abot nga panagsangka pag-usab nila Noskova ug Eala.
Madumdumang nakasulod si Eala sa ikatulong hugna human niyang mapildi si Alycia Parks, 6-1, 4-6, 6-2, ug nakabawi sa iyang kapildihan batok sa maong Amerikana sa unang hugna sa Australian Open niining tuiga.
Ang bag-ong kadaugan ni Eala nagpadayon sa momentum nga iyang nakuha gikan sa iyang impresibong kampanya sa Washington ug nagpakita sa iyang nagkadakong pagsalig sa kaugalingon batok sa mga iladong magdudula sa WTA Tour..
