BUTUAN CITY- Misaad ang aktor nga si Donny Pangilinan nga ipadayon ang paghatag og inspirasyon ug positibong impluwensya ngadto sa uban isip pagbalos sa motibasyon nga iyang nadawat gikan sa mga kalalakin-an nga iyang gitan-aw nga ehemplo sa kinabuhi, human kini gipasidunggan isip usa sa 14 ka awardees sa PeopleAsia Men Who Matter 2026.
Ikaduhang higayon na kini nga nadawat niini ang maong dungog sukad sa iyang unang pag-angkon niadtong 2022. Atol sa awarding ceremony sa Lanson Place sa Pasay City, giubanan siya sa iyang inahan nga si Maricel Laxa-Pangilinan.
Sa iyang pahayag, gipasiugda ni Donny nga ang maong pag-ila usa ka pahinumdom alang kaniya nga magpadayon sa pagpaayo sa kaugalingon, motubo isip indibidwal, ug mahimong tingog sa mga tawo nga nanginahanglan og inspirasyon ug suporta.
