BUTUAN CITY – Gipadayag ni Nicolito Oba, secretary general sa Filipino Nurses United nga nabalewala na sa mga magbabalaud ang mas importanteng mga concerns sa kinabag-ang Filipino tungod sa pagtutok sa impeachment complaint batuk kang Vice President Sara Duterte.
Sa eksklusibong pakighinabi sa Bombo Radyo Butuan, gipadayag sa opisyal nga bisan og angayang tutukan sa tanan ang impeachment process aron masuta kung duna’y tulubagon ang besi presidente sa maong mga alegasyon, apan dili matud pa angayang kalimtan mga magbabalaud nga milyunes ka mga Filipino ang nagkinahanglan og saktong serbisyo ilabina ning panahon sa krisis.
Partikular niyang gustong matutukan ang suhulan sa mga empleyado ilabina nga didto sa National Capital Region, gipahunong una ang pagpatuman sa 60-pisos kansa unang tranche sa 85-pisos nga usbaw sa suhulan, tungod sa gipagawas nga temporary restraining order sa korte.
Samtang kalabot usab sa gika-ingong paggahin og 40-milyunes pisos sa maong confidential fund, alang sa pagpalit og tambal apan wala tuguti sa Commission on Audit, gipadayag ni Oba nga wala’y dautan niini, apan kinahanglang susihon og maayo kung angayan ba ang maong pundo.
Gipadayag niyang dili usab mahimo nga bisan asa nalang kuhaon ang pundong gamiton alang sa nasangpit nga katuyuan.
