BUTUAN CITY- Naglusad ang Russia og sunod-sunod nga pag-atake gamit ang ballistic missiles ug mga drone batok sa Kyiv ug mga kasikbit nga lugar sa Ukraine kaganiha sa sayong kabuntagon, nga mingresulta sa pagkamatay sa labing menos 14 ka tawo ug pagka-angol sa laeng 22 ka imdibidwal.
Sumala sa mga opisyal sa Kyiv, nadaot ang mga residential buildings ug mga bodega, samtang adunay posibilidada nga adunay natanggong ilawom sa mga nagun-ob nga estruktura.
Sumala sa Russia, ilang gitarget ang mga logistics hub, sentro sa suplay sa armas ug drone, ingon man tulo ka cargo vessels duol sa pantalan sa Odesa nga giingong nagkarga og kagamitang militar. Samtang nagpadayon ang pagsaka sa tensyon tali sa duha ka nasud, nagpadayon usab ang Ukraine sa mga pag-atake batok sa imprastraktura sulod sa Russia.
Tungod sa nagkadaghang missile attacks, padayon gihapon ang panawagan sa Ukraine ngadto sa mga kaalyado niini alang sa dugang nga Patriot missile interceptors aron mapalig-on ang depensa batok sa mga balletic attack.
