BUTUAN CITY – Andam na si Filipina tennis sensation Alex Eala alang sa usa ka dakong pagsulay samtang iyang atubangon ang upat ka higayon nga Grand Slam champion nga si Naomi Osaka sa semifinal sa Mubadala DC Open krong buntag.
Nakasulod sa semifinal si Eala human sa impresibong pagpildi niya kang No. 2 seed Elina Svitolina sa straight sets, 6-3, 6-4, aron mapadayon ang iyang lig-on nga kampanya sa torneo. Samtang si Osaka usab nakalusot sa semifinal pinaagi sa 4-6, 6-4, 6-3 nga kadaugan batok kang Elisabetta Cocciaretto.
Kini ang unang higayon nga mag-atbang sila Eala ug Osaka sa WTA Tour kondiin excited na si Eala sa maong duwa batok sa usa sa iyang mga gi-idolo sa tennis, samtang si Osaka mipadayag usab og pagrespeto sa kusog nga dagan sa dula sa Pinay.
Dako ang kahulugan sa maong semifinal alang kang Eala tungod kay usa kini ka higayon aron mapadayon ang iyang pagsaka sa world rankings ug makaduol sa unang WTA 500 singles title sa iyang propesyonal nga karera.
