BUTUAN CITY- Desperado na matud pa ang China ug ang Chinese envoy sa pagpakuyanap og sayop ug peke nga impormasyon kalabot sa West Philippine Sea.
Sumala ni Philippine Coast Guard Spokesperson for the WPS, Rear Admiral Jay Tarriela, inanay na giihimo sa Chinese Embassy in Manila sa pagpagawas og sayop nga impormasyon isip parte sa disinformation alang sa ilang ilang pag-angkon sa gi-ilogang kadagatan.
Gibalikan ni Tarriela ang daw pagpangdaot nila Chinese Ambassador to the Philippines Jing Quan ug Deputy Spokesperson of the Chinese Embassy Guo Wei batok niini, isip pinakadako nga tingong sa Pilipinas sa mga hisgutanan sa WPS.
Gihisgutan matud pa sa mga niini ang paggamit niya kani-adto og satirical images ug gipamugos nga gibastos niini si Chinese Pres. Xi Jinping.
Bisan paman, ang maong imahe dili pa matandi sa halapad nga pagpangbully sa China, pag-angkon sa mga teritoryo sa Pilipinas sa WPS, ug sa uban pang harassment activities sa maong nasud batok sa mga Pilipino.
Samtang, subay usab sa nahimong diskusyon tali nila Admiral Tarriela ug Sen. Robin Padilla kalabot sa kontrobersyal nga racist video nga gipagawas sa Chinese state media, sigon ni Tarriela nga wala pa sila personal nga nagka-estorya sa senador.
Matud pa niini, wala silay personal nga panagbangi ni Padilla, apan dili husto ang nahimong pamahayag sa Senador kalabot sa maong video, hinungdan nga iya kining gi-kwestyon.
Mala-umon usab si Tarriela nga nasabtan ni Padilla ang posisyon niini, human sa pagtag og mga pagklaro.
