BUTUAN CITY – Pasado na sa hawanan sa konseho ning siyudad sa Butuan kon sa Sangguniang Panlungsod, ang sugyot nga hatagan og pension ang pipila ka mga persons with disabilities kon PWDs ning siyudad nga kwalipikadong mudawat niini.
Sa eksklusibong pakighinabi sa Bombo Radyo Butuan, gibutyag ni Mayor Lawrence Lemuel Fortun nga padayon na karon ang assessment nga gihimo nial uban sa tabang sa City Social Welfare and Development kon CSWD aron matumbok ang mga PWDs nga qualified mudawat og pensyon.
Partikular niini kadtong mga indigent gayod nga wala’y laing saligan sa ilang inadlaw-adlaw nga panginabuhian.
Kini nga kalambuan gipahibalo sa mayor human ang pag-apod-apod sa mga assistive devices nga makatabang sa atong mga kaigsoonang PWDs ug mga senior citizens ning siyudad.
Ang mga gitunol nga kahimanan naglangkub sa 43 ka Wheelchair; 30 ka Quadcane; 3 ka White Cane; 53 ka Cane; 5 ka Walker; 24 ka Crutches; og 4 ka Comode chair.
Gitumbok sa mayor nga tinguha sa city government nga ma-atiman ang mga kaigsoonang PWD’s aron dili mabiyaan bisan paman sa ilang limitasyon nga mugna sa disabilities.
Gani ang maong mga kahimanan, magsimbolo dili sa limitasyon kundi sa posibilidad nga paghatag kanila og higayon nga mas magamit sa pagserbisyu sa kumunidad.
