BUTUAN CITY – Gitapos na ni Indian activist Sonam Wangchuk ang iyang 26 ka adlaw nga hunger strike nga nag-demand sa pagkanaog sa pwesto ni Education Minister Dharmendra Pradhan tungod sa sunod-sunod nga leakage sa examination papers.
Sa iyang post sa X, gibutyag sa 59-anyos nga si Wangchuk nga iyang gitapos ang puasa human sa taas nga negosasyon sa lain-laing kondisyon ug tungod sa posibilidad nga magka-gubot sa nasud.
Ang iyang pahibalo misunod sa video address ni Prime Minister Narendra Modi sa X, nga nag-ingon nga magpahugot siya og balaod aron pugngan ang paper leaks.
Gibutyag ni Modi nga ang gobyerno nagtrabaho sa mga lakang aron mapaspasan ang proseso sa korte batok sa mga nalambigit sa leakage dayong butyag nga hisgutan kini sa gabinete.
Sa iyang video address, gibutyag ni Modi nga ang leakage usa ka dakong kasakit alang sa libu-ang mga estudyante, apan wala niya gi-mention si Pradhan.
Si Wangchuk nagsugod sa hunger strike niadtong Hunyo 28 isip suporta sa youth-led Cockroach Janta Party (CJP) nga nag-demand sa pagkanaog ni Pradhan tungod sa leakage sa medical college entrance test papers, nga nakapugos sa milyones ka mga estudyante nga mu-exam pag-usab.
