BUTUAN CITY – Gikumpirma ni Defense Secretary Pete Hegseth nga mi-abot na sa $37.5 bilyon ang nagasto sa Estados Unidos sa kasamtangang giyera batok sa Iran, rason nga nangayo ang administrasyon ni President Donald Trump og dugang $87.6 bilyon, diin $67 bilyon ang gigahin alang sa operasyon sa Middle East sa ingon mapun-an ang kakulang sa bala, kagamitan, ug sweldo sa mga sundalo.
Sa unang pag-atubang ni Hegseth sa Capitol Hill sukad nagsugod ang giyera, gi-atake ang iyang pamahayag kalabot sa walay duha-duha nga demonstrasyon. Sulod lang sa tulo ka minuto, upat ka higayong nalangay ang iyang pamahayag tungod sa mga raliyista nga misinggit og mga slogan nga “Stop bombing our children in Iran and Palestine!” ug “This is illegal!”
Temporaryong gipahunong ni Senate Appropriations Committee Chair Susan Collins ang pagdungog aron tugotan ang Capitol Police nga ipagawas ug eskortan ang mga anti-war protesters gikan sa sulod.
Gawas sa mga raliyista, nakadawat usab si Hegseth og kusog nga pagpanghimakak gikan sa pipila ka senador sama ni Sen. Patty Murray, nga nagpasidaan nga ang bangi mahimong usa ka malungtarong giyera nga hinay-hinay nang nawagtangan og suporta gikan sa publiko.
