BUTUAN CITY- Mingsaka na ngadto sa kinatibuk-ang 4,490 ang opisyal nga ihap sa mga namatay sa ming-igo nga twin quake sa Venezuela niadtong Hunyo 24.
Mingsaka ang ihap niadtong Domingo og 150 kumpara niadtong Sabado, samtang anaa sa kapin 16,000 usab ang angol.
Gitaho usab sa Venezuelan government nga kapin 19,500 ka indibidwal ang temporaryong nagpbilin sa mga camp dungan sa grabeng kadaot nga gibilin sa kusog nga linog.
Gipadayag usab ni National Assembly President Jorge Rodriguez, igsoon ni interim leader Delcy Rodriguez, nga sugdan na sa gobyerno ang pagpanghatag og mga apartment sa mga pamilyang nawad-an og panimalay sa mga sunod simana.
Gikomperma usab ni Foreign Minister Yvan Gil, nga ming-abpt na sa nasud ang aid shipment gikan sa Russia.
Samtang nagpadala ang Embahada sa Amerika og 100,000 aid kits sa mga apektadong komunidad.
