BUTUAN CITY – Pakyas nga makabuhat og milgaro ang Gilas Pilipinas nga wala makadula si Justine Brownless batok sa kusog nga Australia Boomers sa FIBA World Cup 2027 Asian Qualifiers.
Gilubong og maayo ang Gilas Men sa maong dula, 92-49, sa walay pildi nga Boomers sa RAC Arena sa Perth, Australia nga nagtapos sa ikatulong window sa 2027 FIBA Basketball World Cup Asian Qualifiers.
Tungod kay wala si Justin Brownlee, wala’y bisan usa ka Pilipino nga magdudula ang naka-iskor og double digits tungod kay gilupig gyud ang Gilas sa second half.
Si Dwight Ramos ang nangulo nga adunay siyam ka puntos, samtang si JuneMar Fajardo adunay walo ka puntos, pito ka rebounds, tulo ka assists, ug duha ka blocks human siya wala kapuntos sa miaging dula batok sa New Zealand.
Si Mike Philipps nagpakita usab og nindot nga dula, diin nakatala siya og unom ka puntos ug 12 ka rebounds.
Naggukod pa ang Pilipinas sa sayong bahin ug nabiyaan lang og 14 puntos sa halftime batok sa Australia.
Natapos ang Gilas Pilipinas nga adunay 2-4 nga kartada tungod sa upat ka sunod-sunod nga pildi, apan mosulod gihapon sila sa second round diin makatigi nila ang Syria, Iran, og Jordan sa lain nga home-and-away group.
Ang sunod nga qualifying window gikatakda karong Agosto 27 hangtud sa 31.
