BUTUAN CITY– Posible gihapong makilakip si Senador Rodante Marcoleta sa impeachment trial ni Vice President Sara Duterte karung Lunes, Hulyo 6, sumala ni Senate President Sherwin Gatchalian.
Pagklaro ni Gatchalian nga sa pagkakaron nagpabiling senador si Marcoleta tungod wala pay final nga desisyon ang Sandiganbayan kung mag-isyu og arrest warrant batok kang Marcoleta alang sa kasong plunder nga gipasaka sa Ombudsman.
Dihang gipangutana usab ang Senate President kalabot sa posibleng paglapas sa arrest warrant kang Marcoleta, sigon niining dili nila posibleng i-preempt o inahan ang mahimong desisyon sa Sandiganbayan isip usa ka korte.
Gipadayag usab ni Gatchalian nga aduna pay higayon si Marcoleta nga maghatag sa iyang depensa ug magklaro sa korte adiser mohimo og desisyon isip parte sa judicial process.
Kahinumduman, niadtong Biyernes, Hulyo 3, pormal nang gipasaka ang plunder charges sa Ombudsman batok kang Marcoleta ug laing tulo pa kalabot sa P75 million nga wala matud pa gideklarang campaign donations sa iyang 2025 senatorial campaign.
