BUTUAN CITY- Opisyal nang gi-ila sa World Bank ang Pilipinas isip usa ka upper-middle-income country, kansa usa ka mahinungdanong kalampusan human kini nagpabiling lower-middle-income country sukad pa niadtong 1987.
Gipahayag ni President Ferdinand Marcos Jr. nga ang maong pag-ila nagpakita sa pagkaepektibo sa mga polisiya sa ekonomiya sa administrasyon, nga gisuportahan sa padayon nga pagtubo sa ekonomiya, lig-on nga bili sa piso, ug mga reporma bisan pa sa mga hagit sa kalibutan.
Sumala sa Pangulo ug sa Department of Economy, Planning, and Development, gilauman nga makadani kini og dugang investors, makapalapad sa negosyo, ug makamugna og mas daghang dekalidad nga trabaho, samtang gipasiugda niini, nga ang tinuod nga kalampusan sa ekonomiya kinahanglan mabati sa tanang pamilyang Pilipino pinaagi sa mas maayong panginabuhian ug kalidad sa kinabuhi.
