BUTUAN CITY – Gikatakdang mobisita si Pangulong Ferdinand Marcos Jr. sa Canada gikan Hulyo 1 hangtod 4 aron paladman ang relasyon sa duha ka nasud ug palig-onon ang kooperasyon sa depensa, seguridad, kalakalan, pamuhunan, enerhiya, ug uban pang mga estratehikong sektor.
Makigpulong si Marcos kang Canadian Prime Minister Mark Carney aron hisgutan ang pagpalapad sa kutay nga pang‑ekonomiya ug uban pang susamang isyu.
Makigpulong usab siya sa mga negosyante ug mga investors sa Canada aron i-asdang ang mga oportunidad sa negosyo sa Pilipinas nga sundan sa pagpakigkita unya niya sa komunidad nga Pilipino sa Vancouver.
Kini ang unang opisyal nga pagbisita sa usa ka presidente sa Pilipinas sa Canada sulod sa kapin usa ka dekada sunod kang kanhi Pangulo Benigno Simeon ‘PNoy’ Aquino III nga mihimo og state visit sa Canada niadtong 2017.
Makuyog sa biyahe sa pangulo si First Lady Liza Marcos ug uban pang mga miyembro sa gabinete.
