BUTUAN CITY – Hingpit nang na-aresto kaganina didto sa Estados Unidos si Filipino-American nurse practitioner gikan sa Tuguegarao City nga residente sa Las Vegas, Nevada si Marizel Yukee.
May kalabutan kini sa gika-ingong $906 milyon kon bugti sa ₱51.6 bilyones nga healthcare fraud scheme batuk sa Medicare ug TRICARE sa U.S. Ang iyang pagkasikop misunod human siya na-isyuhan og federal indictment sa Houston, Texas niadtong Hunyo 19, 2026 – oras sa Pilipinas.
Sigon ni Bombo international news correspondent to the US Bombo Rufino ‘Pinoy’ Gonzales, gi-akusahan sa mga Federal prosecutors si Marizel Yukee, nga mi-target sa mga tiguwang ug mga pasyenteng himalatyon na apil na kadtong anaa sa hospice care, pinaagi sa paghatag matud pa kanila og dili kinahanglanong tambal alang sa samad ug pagkolekta og bayad gikan sa mga programa sa gobyerno alang sa healthcare.
Base sa federal indictment nga gi-file sa Houston, nasuta nga si Yukee ug iyang ka-ubanan nga mga co-conspirators, nagsubmite og kapin sa 906-milyunes dolyares kon bugti sa 51.6 bilyunes pisos sa mga false claims tali niadtong October 2023 hangtud Abril ning tuiga 2026 ug nakadawat og gibana-banang 297-milyunes dolyares kon 16.9 bilyunes pisos nga bayad gikan sa Medicare ug TRICARE.
Nasuta pa nga didto sa Amerika, nagpahimo si Yukee og mahalon nga balay, nagpalit og mahalong sakyanan apil na ang yate, samtang dinhi sa Pilipinas, duna usab matud pa kini mahalong white sand beach resort sa may Sta Ana, Cagayan Valley,
Nasayrang ang Medicare usa ka. federal health insurance program sa Estados Unidos alang sa mga senior citizens nga nag-edad og 65-anyos pataas ingon man sa mga batan-ong duna’y disabilities, ingon man mga pasyenteng duna’y end-stage kidney disease or ALS.
Samtang ang TRICARE, maghatag usab og healthcare coverage alang sa mga active-duty military personnel, mga retirees, National Guard and Reserve members, ug ilang mga dependents.
